Paano Sumulat ng Sanaysay

Bahagi na ng A&E Test ng ALS ang Essay. Dito sinusukat ang kaalaman ng isang test taker kung ano ang nalalaman niya at ang kanyang pananaw sa mga pangunahing usapin na tinatalakay o “current events”.

Sa ilang taon kong pagtuturo sa mga mag-aaral ng ALS, bahagi na ang pagsulat ng sanaysay. Dahil ang essay ay bahagi na ng A&E test ay nararapat lamang na pagtuonan naming ito ng pansin. Sa ilang taon ding ito, may mga naging estudyante ako na magagaling sa multiple choices question subalit bumabagsak pagdating sap ag-sulat ng sanaysay.

Dahil sa ganitong pangyayari, mas madalas kong tinututukan ang kanilang pag-sulat dahil alam ko naman na kakayanin nila ang multiple choices questions.

Narito ang ilan sa mga ipinapaalala ko sa aking mga mag-aaral na maaari ring makatulong sa ito.

•    Bashing mabuti ang pamagat ng sanaysay, Tuwing matatapos ang pagsusulit ng aming mga estudyante ay tinatanong ko sila kung ano ang pamagat ng kanilang isinulat na essay. Ang ilang sa mga pamagat ay ipinapasulat ko sa aking mga kasalukyang esrudyante. Ang ilan sa mga ito ay inilathala naming sa blog na ito. Tingnan lamang ito sa aming archive.
•  .    Kung kaya mong gumawa ng balangkas ay gumawa ka at isaayos ito upang maging maganda ang kalabasan ng iyong talata. May mga balangkas na ipo-post sa blog na ito sa mga susuonod na pagkakataon.
• .       Sa pag-sulat ng unang talata, i-ugnay ito sa pamagat na ibibigay sa inyo sa araw ng pag-susulit. Ang mga paraan sa pagsulat ng introduksyon ay ipo-post din naming sa blog na ito. Iwasan ang masyadong mahabang pangungusap na paulit-ulit ang sinasabi. Dapat ay mahalaga at parating kaugnay ng tema na tinatalakay sa pamagat. Linawin ang iyong punto upang maunawaan ito ng iyong mambabasa.
•  .      Ipahiwatig ang pinakang punto mo sa sa katawan ng sanaysay. Maari kang gumawa ng kwento na kaugnay ng iyong introduksyon. Ilarawan ng maayos sa paraan ng paggamit ng maliliit at/o malalaking detalye. Maaaring gumamit ng deductive o inductive method sa pagsulat upang maipahiwatig moa ng iyong punto.
•  .    Tapusin ang iyong sanaysay sa pamamagitan ng pagbibigay ng iyong konklusyon. Maaari mong sagutin ang tanong ng mambabasa halimbawa “eh ano naman?”, “Bakit dapat ka naming paniwalaan?”, o iyong simpleng pangungusap na alam mong tapos na ang iyong essay.
•  .   Dapat mog gamitin ang tamang bantas sa bawat pangungusap sa iyong  gagawin. Alam kong alam mo naman kung paano gamitin ang mga bantas.

Ilan lamang iyan sa mga tinututukan ko sa tuwing itatama ko ang kanilang mga sanaysay. Lagi kong sinasabi sa kanila na walang maling punto hangga’t tugma ang kanilang sinusulat sa pamagatna ibinigay sa kanila. Lagi kong ipinapaalala sa kanila na maging malinaw lamang ang kanilang sinasabi upang maunawaan ng kanilang mambabasa ay tiyak na mataas na marka ang kanilang makukuha.

Sana ay may napulot kang impormasyon na makakatulong sa inyo upang makasulat ka ng maayos na sanaysay.

Find More essay here